[ad_1]
( प्रगत भारत । pragatbharat.com)
इंन्टाग्राम पोस्टमधून साहिलबाबत धक्कादायक माहिती
साहिलच्या आयुष्यात हिंसा, दहशत, बंदूक, दारु या गोष्टी सामान्य होत्या. त्याच्या इंस्टाग्राम प्रोफाइलमध्ये मिळालेल्या काही व्हिडिओंमधून त्याचा खरा चेहरा कळतो. या व्हिडिओमध्ये तो दहशत पसरवण्याबाबत बोलतोय, मागून गोळीबाराचा आवाज येतोय. हातात बेड्या घातलेला फोटोही त्याने शेअर केला आहे.
दिल्ली पुन्हा हादरली! त्याने चाकू काढला अन् थेट डोक्यात २१ वार, मग दगड उचलला… साक्षी मर्डर केसची Inside Story
साहिल मित्रांसोबत दारू पार्टी करायचा आणि नंतर त्याचे व्हिडिओ सोशल मीडियावर शेअर करायचा. तो हुक्का ओढायचा आणि त्याचा व्हिडिओही मोठ्या शानने शेअरही करतो. त्याची प्रत्येक कृती, बोलणे, हावभाव दर्शवते की साहिल एक वाया गेलेला मुलगा होता.
साहिलला आत्याच्या घरुन अटक
साक्षीच्या हत्येप्रकरणी पोलिसांनी साहिल खानला बुलंदशहर येथून अटक केली आणि मग त्याला दिल्लीत आणण्यात आले आहे. त्याला सध्या बवना पोलीस ठाण्यात ठेवण्यात आले आहे. आता वरिष्ठ पोलीस अधिकारी त्याची चौकशी करतील आणि मग या हत्येमागील सारं सत्य पुढे येईल.
Sakshi Murder Case: साहिलचे साक्षीवर ४० वार, आई उन्मळून पडली, काळीज चिरणारा आक्रोश, दिल्लीच्या कानठळ्या बसल्या!
साहिलच्या घरमालकाचीही चौकशी होणार
साहिलचा फोन पोलिसांना सापडला आहे. त्याच्या फोनवरून बरेच पुरावे मिळू शकतात. साहिलच्या आत्याने त्याच्या वडिलांना फोन केला होता. त्यामुळे पोलिसांना साहिलचे लोकेशन मिळाले. साहिल जैन कॉलनीत आई-वडील आणि तीन बहिणींसोबत राहत होता. पोलिस त्यांच्या घरमालकाचीही चौकशी करतील आणि साहिलबद्दल आणखी जाणून घेण्याचा प्रयत्न करतील.
२४ महिन्यांची मैत्री आणि साक्षीची हत्या
साहिल आणि साक्षीची मैत्री २०२१ मध्ये झाली होती. दोन वर्षाच्या मैत्रिनंतर २८ मे रोजी साहिलने साक्षीची हत्या केली. हत्येपूर्वी काही दिवसांपासून साक्षी नीतू नावाच्या मैत्रिणीच्या घरी राहत होती. नीतूलाही साहिलबद्दल माहिती होती. तिने सांगितले की साक्षी आणि साहिल एकमेकांना तीन-चार वर्षांपासून ओळखत होते आणि दोघांमध्ये बऱ्याच काळापासून भांडण सुरु होते. सध्या साहिलला बवाना पोलिस ठाण्यात ठेवण्यात आले आहे. पोलिस सूत्रांनी दिलेल्या माहितीनुसार, साहिलला त्याच्या कृत्याची जराही खंत नाही.
[ad_2]
